भेरीगंगा नगरपालिका वडा नं ८ मैनतडाका एक शिक्षकले छात्रामाथी जबरजस्ती करणीको प्रयास गरेको जनाइएको छ। नेपाल राष्ट्रिय माध्यामिक बिद्यालय मैनतडाका शिक्षक रेशम घर्तीले १३ बर्षिया छात्रामाथी करणीको प्रयास गरेका हुन्। शुक्रबार राती १०:०० बजे छात्रा कोठामा सुतिरहेको अवस्थामा कोठामै पुगेर छात्रामाथी जबर्जस्ती करणीको प्रयास गरेको उनको आफन्तले जनाएको छ। प्रहरीले पक्राउ गरेका पिडक घर्तीलाई भेरिगंगा नगरपालिका वडा नं ८ का वडाअध्यक्ष पदम बहादुर खत्रीको जिम्मा छोडिएको छ। पिडित परिवारलाई डरत्रास देखाएर मुद्दा अगाडी बढाउने भन्दा भन्दै एकलौटी रूपमा मिलापत्र भएको भन्दै घटनाका दोषी घर्तीलाइ प्रहरीले छोडेको छात्राको बुवाले जानकारी दिए।