भोजपुर नगरपालिका-६ देउरालीमा ४६ वर्षकी श्रीमती अम्बिका श्रेष्ठको हत्याको गरेको आरोपमा ४७ वर्षका श्रीमान नारादमणि राई पक्राउ परेका छन् । मंगलबार राति एउटै कोठामा सुतिरहेको बेला श्रीमती अम्बिकाको ज्यान गएको थियो । अम्बिकाको शरीरमा निलडाम भएकोले हत्याको आशंकामा श्रीमान् नारादमणिलाई बुधबार प्रहरीले पक्राउ गरी हिरासतमा राखेको हो । अम्बिकाको शव पोष्टमार्टमका लागि जिल्ला अस्पताल भोजपुरमा ल्याइएको छ । अम्बिका विस्तारामा बुधबार बिहान मृत अवस्थामा भेटिएको प्रहरीले बताएको छ । हत्या भएको हो वा होइन भन्ने पोष्टमार्टम रिपोर्टपछि मात्र पुष्टि हुने प्रहरीले जनाएको छ ।