सिरहाको गाढा तिलेनेनाका अन्दाजी ३३ वर्षिय दिलिप साहले आज करिब ११ बजे २८ वर्षिया पत्नी नैनो कुमारी साहमाथि ज्यान जाने गरी हमला गरेका छन् । प्रत्यक्षदर्शीका अनुसार नैनोमाथि धारिलो हातहतियारले हमला गरिएको हो । घटनापछि सिरहाका पत्रकार गोपाल गुप्ताले घाइते महिलालाई पुलिससँग समन्वय गरी लहान अस्पतालमा भर्ना गराएका छन् । महेश्वरी थानाका ईन्चार्ज असइ रामकृष्ण चौधरीले अपराधीलाई खोजेर कारवाही गर्ने बताउँछन् । तर घटनाका दोषी भने फरार छन् । पीडित महिलाकाअनुसार उनका पति प्रेमिकाको कारण बारम्बार कुटपिट गर्दै आएको बताउँछिन् ।