नवलपरासीको बर्दघाट नगरपालिकाकी १४ वर्षकी बालिकालाई जबरजस्ति करणी गरेको आरोपमा प्रहरीले ५ जनालाई पक्राउ गरेको छ । पक्राउ पर्नेमा १९ वर्षका अभिषेक बास्कोटा , ३१ वर्षका राजेश चौधरी १८ वर्षका निरज ( निराजन ) चौधरी २४ वर्षका राजन (राजकुमार) चौधरी र २९ वर्षका होमनाथ चौधरी रहेको जिल्ला प्रहरी कार्यालय नवलपरासीका मुद्धा फाँटका प्रहरी निरिक्षक टिकाराक पोख्रेलले जानकारी दिए । घटना गत असार २६ गते राती ८ बजे भएको भए पनि यहि साउन १९ गते मात्रै प्रहरीमा जाहेरी दर्ता भएको पोख्रेलले बताए ।घटना घटेको लामो समयपछि मात्रै परिवारले थाहा पाएकाले उजुरी पनि ढिला भएको पीडित परिवारको भनाई छ । प्रहरीले पीडकसंगको मिलेमतोमा घटनालाई दबाउन खोजेको पीडित पक्षले आरोप लगाएका छन् ।