६५ वर्षीया महिलालाई बलात्कार गरेको आरोपमा बलेफी गाउँपालिका-३ का ५० वर्षीय सेते तामाङ विरूद्ध भदौ २ गते जिल्ला प्रहरी कार्यालयमा उजुरी दर्ता भएको छ । पीडित महिलालाई आरोपितले साउन १७ गते बलात्कार गरेको आरोपमा पीडितपक्षले इन्सेकको सहयोगमा उजुरी दिएको हो । पीडित महिलाको स्वास्थ्य परीक्षण भदौ २ गते चौतारा अस्पतालमा गरिएको जिल्ला प्रहरी कार्यालयले जनाएको छ । पीडित पक्षले भदौ २ गते इन्सेक जिल्ला प्रतिनिधिको कार्यालयमा न्यायको लागि पहल गरिदिन अनुरोध गरेपछि इन्सेक जिल्ला प्रतिनिधिको पहलमा बलात्कारविरूद्ध निःशुल्क जाहेरी लेखाएर दर्ता गराइएको हो । आरोपित तामाङ भने फरार रहेको प्रहरीको भनाई छ ।ss