Pratap Bista
मकवानपुर । ०७० जेठ २८ गते
बालिकालाई बलात्कार गरेको ठहर गर्दै जिल्ला अदालत मकवानपुरले एक किशोरलाई आठ वर्षकैद गर्ने फैसला गरेको छ ।
पीडित बालिकालाई पीडकवाट २ लाख रुपैया क्षतिपूर्ति भराउने पनि आदेश गरेको छ । जिल्ला न्यायाधीश टेकनारायण कुँवरको जेठ २८ गते बसेको इजलाशले मनहरी गाविस ६ का १९ वर्षीय सुमन राईलाई १३ वर्षीया बालिकालाई बलात्कार गरेको ठहर गर्दै उक्त फैसला गरेको हो ।
राईले ०६९ असोज ६ गते स्थानीय बालिकालाई जंगलमा डरत्रास देखाएर बलात्कार गरेका थिए ।
प्रताप विष्ट