हथौडा प्रहार गरी आफ्नै सहोदर भाई मार्ने काठमाडौँ महानगरपालिका–२३ झोसे बस्ने ५१ बर्षीय राजु मानन्धरलाई प्रहरीले पक्राउ गरेको छ । मानन्धरले बुधबार आफ्नै घरमा सुतिरहेका ४७ बर्षीय भाई गौतम मानन्धरलाई हथौडाले टाउकोमा प्रहार गर्दा घटनास्थलमै मृत्यु भएको थियो । भाईको हत्या गरी राजु मानन्धर महानगरीय प्रहरी बृत्त जनसेवामा आई आत्मसमर्पण गरेका थिए । यस सम्बन्धमा प्रहरीले आवश्यक अनुसन्धान गरिरहेको छ ।