दुर्गाभगवती गाउँपालिका–४ पचरुखी बस्ने ७० वर्षीय सुरज साह सोनारको कुटपिटबाट शुक्रबार मृत्यु भएको छ । गत भदौ ८ गते सोही ठाउँ बस्ने उनका भाई ६० वर्षीय कपिलदेब साह सोनार र कपिलदेबका छोरा समेतले जग्गाको बिषयलाई लिएर कुटपिट गर्दा गम्भीर घाइते भएका सुरजलाई प्राथामिक स्वास्थ्य केन्द्र गंगापिपरामा सामान्य उपचार पश्चात् घरमा ल्याई राखिएकोमा शुक्रबार मृत्यु भएको हो । कुटपिटमा संलग्न दुबै जना फरार भएकाले प्रहरीले उनीहरुको खोजी गर्नुका साथै थप अनुसन्धान गरिरहेको छ ।