मोरङको बुढीगंगा गाउँ-पालिका-३ स्थित आरती स्टिल अगाडी मंगलबार छुरा प्रहारबाट एक ट्रक चालक घाइते भएका छन्। घाइते हुनेमा जिल्ला बारा पथलैया-१ घर भई ना ६ ख ३६४२ नम्बरको ट्रकका चालक अनिल लामा रहेका छन्। लामालाई पुरानो रिसीवीका कारण जिल्ला मकवानपुर घर भई हाल ना ६ ख १८८४ नम्बरक ट्रक चालक अन्दाजी ३३ बर्षीय बिशाल घिमिरेले छुरा प्रहार गरेका छन्। छुरा प्रहारबाट शरीरको विभिन्न भागमा चोट लागेका लामाको विराट मेडिकल अस्पताल गंगाचोकमा उपचार भैरहेको छ भने छुरा प्रहार गर्ने घिमिरे इलाका प्रहरी कार्यालय निमुवाको नियन्त्रणमा छ।