दशैंमा खसी खरिदका लागि खैरांग जाने क्रममा पश्चिम मकवानपुरको खैरांगमा कुलबहादुर कालीराजलाई कुटपिट गरी ४ लाख २ हजार लुट्ने दुईजना लुटेरालाई प्रहरीले पक्राउ गरेको छ। इलाका प्रहरी कार्यालय मनहरीका प्रहरी प्रमुख चित्रबहादुर घले नेतृत्वको टोलीले लुटपाटस्थलबाट ८१ हजार नगद र एउटा गोली फेला पार्नुको साथै जेठान साइला नाम बताउने एक जना र मोहन मुक्तान लाई पक्राउ गरेको हो। घाइते कालिराजलाई थप उपचारको लागि मनहरी ल्याइदै छ।