भलुवाजोरका एक युवकले पत्नीको हत्या गरी आफूले पनि आत्महत्या गरेका छन् । मन्थली नगरपालिका ६ भलुजाजोर कुभुन्डेका आसमान तामाङले पत्नी चमेलीको टाउको बजारेर सोमबार राति हत्या गरेर आफूले पनि झुन्डिएर आत्महत्या गरेको प्रारम्भिक अनुसन्धानबाट खुलेको छ । प्रहरी निरीक्षक राजकुमार थापाका अनुसार चमेलीको शव घरको छिँडीमा भेटिएको थियो । शरीरका अन्य भागमा सामान्य चोट देखिएको छ । आसमानले बरन्डामा झुन्डिएर आत्महत्या गरेका थिए ।