पाँचथर यसोककी नाबालिका करणी गर्ने एक युवकलाई प्रहरीले पक्राउ गरी मुद्दा दर्ता गरेको छ । पक्राउ पर्नेमा फाल्गुनन्द-७ बस्ने ३० बर्षिय राजकुमार आंग्देम्बे रहेका छन् । बजार गएको बेला १२ बर्षिया बालिकालाई विभिन्न किसिमका प्रलोभन देखाएर ललाईफकाई घरमा लगेर जबरजस्ती करणी गर्ने प्रयास गरेकाले आंग्देम्बेलाई पक्राउ गरेको जिल्ला प्रहरी कार्यालय पाँचथरले जनाएको छ । पक्राउ परेका आंग्देम्बेलाई जबरजस्ती करणी मुद्दा अन्तर्गत मुद्दा दर्ता गरि अनुसन्धान भइरहेको प्रहरी नायब उपरीक्षक बामदेव गौतमले जानकारी दिनुभयो ।