जिल्ला प्रहरी कार्यालय कास्कीले नेत्र विक्रम चन्द (विप्लव) नेतृत्वको नेकपाका कार्यकर्तालाई पक्राउ गरेको छ। पृथ्वीचोकको सस्तो बजारमा सिलिन्डर बम राखेको आरोपमा प्रहरीले नेकपा कास्कीका सेक्रेटरी जगन तिवारीसहित ८ जना कार्यकर्तालाई पक्राउ गरिएको जनाएको छ। जिल्ला सेक्रेटरीलाई मंगलबार पक्राउ गरेको र अन्य ७ जना कार्यकर्ता बालकृष्ण अधिकारी, लोकेन्द्र राई, सोमनाथ अधिकारी, सरोज मुराउ, सरोज खत्री, जीवन क्षेत्री र टंक खतिवडालाई सोमबार पक्राउ गरिएको जिल्ला प्रहरी कार्यालय कास्कीका प्रवक्ता डिएसपी खड्कबहादुर खत्रीले बताए। खत्रीले भने उनीहरु सबैलाई बम राखेको आरोपमा पक्राउ गरेर हिरासतमा राखेका छौँ। उनले भने, 'थप अनुसन्धान भइरहेको छ।' सोमबार सस्तो बजारमा राखिएको सिलिन्डर बम नेपाली सेनाको टोलीले निस्क्रिय परेको थियो।