मानसिक सन्तुलन नभएकी ३५ वर्षीया महिलालाई सामूहिक बलात्कार गरेको आरोपमा प्रहरीले मुसिकोट-१ ढाँणका १८ वर्षीय बुद्ध नेपाली, १६ वर्षीय दुई जना बालक, १८ वर्षीय हरि खत्री र २४ वर्षीय ध्रुव थापालाई असोज १८ गते गिरफ्तार गरेको छ । पीडित महिलालाई आरोपितहरूले असोज १५ गते सामूहिक बलात्कार गरेको आरोपमा पीडित पक्षले प्रहरीमा असोज १७ गते उजुरी दिएको थियो । सोही उजुरीका आधारमा अनुसन्धानका लागि आरोपितहरूलाई गिरफ्तार गरेको जिल्ला प्रहरी कार्यालयका असई सत्यनारायण यादवले बताए । पीडित महिलाको स्वास्थ्य परीक्षण असोज १८ गते जिल्ला अस्पताल तम्घासमा गरिएको थियो ।