घरेलु हिंसा र बोक्सीको आरोपमा हुने हिंसाका पीडित महिलालाई न्याय दिलाउने महिला अधिकारकर्मी राजकुमारी उपाध्यायलाई बोक्सीको आरोप लगाएर छिमेकीले कुटपिट गरेको बिरोधमा महिला अगुवाहरुले दबाबमुलक र् याली गरेका छन् । महिला पत्रकार समुह, जवाफदेहिताको लागि युवा अभियान, वीरगञ्ज महिला जागरण समाज, राईजिँग नेपाल, स्माईल नेपाल, सहयात्री समाज, महिला अधिकार मञ्च, सानो पाईला, मानव अधिकार संगठन पर्सा लगायत एक दर्जन भन्दा बढी संघसंस्थाले मंगलबार वीरगञ्जमा दबाबमुलक र् याली निकालेका छन् । वीरगञ्जको घण्टाघरबाट निस्केको र् यालीले दोषीलाई कारवाही गर, महिला हिंसा अन्त्य गर, महिला हिंसा अन्त्य गर, राजकुमारीलाई न्याय देउ लगायत नारा लगाउँदै जिल्ला प्रहरी कार्यलय पर्सामा पुगी पिडित अधिकारकर्मी उपाध्यायलाई दुव्र्यवहार गर्नेलाई कारवाही गर्न माग गरेका थिए ।