Dipen Neupane
मोरङ । ०७० असार ४ गते
हात्तीमुडा गाविस-६ की २५ वर्षीया सुशीला चौधरीलाई उनका पति ३० वर्षीय बेच्न चौधरीले घरायसी विवादमा असार ३ गते लाठीले कुटपिट गरी घाइते बनाए । उनले प्रहरीमा उजुरी दिएकी छन् ।
कुटपिटबाट पीडितको टाउको लगायत शरीरको विभिन्न भागमा चोट लागेको प्रहरीले जनाएको छ ।
पीडितको विराटनगरस्थित कोसी अञ्चल अस्पतालमा उपचार भयो । उनले जिल्ला प्रहरी कार्यालयमा असार ३ गते उजुरी दिइन् । आरोपितलाई प्रहरीले असार ४ गते गिरफ्तार गरेको जिल्ला प्रहरी कार्यालय महिला तथा बालबालिका सेवा केन्द्रका असई चम्पा भुजेलले बताइन् ।
दीपेन नेउपाने