Yagya Murti Timilsina १४ वर्षीया बालिकालाई यौन दुर्व्यवहार गरेको आरोपमा तिनाउँ गाउँपालिका-६ मस्यामका २० वर्षीय सुरेश नेपालीविरूद्ध पीडित परिवारले असोज २३ गते जिल्ला प्रहरी कार्यालय पाल्पामा उजुरी दर्ता गराएको छ । आरोपितले भदौ १६ गते बालिकामाथि यौन दुर्व्यवहार गरेको पीडित परिवारले उजुरीमा उल्लेख गरेको छ । घटनापछि आरोपित फरार रहेकेाले खोजी कार्यलाई तीव्रता दिइएको जिल्ला प्रहरी कार्यालय पाल्पाका सई मोतिबहादुर खड्काले बताए । पीडित बालिकाको स्वास्थ्य परीक्षण भदौ २३ गते जिल्ला अस्पताल पाल्पामा गरिएको छ । यज्ञमूर्ति तिमिल्सिना