भोजपुरमा एक किशोरीमाथि जबरजस्ती करणी गरेको आरोपमा एक किशोरलाई प्रहरीले पक्राउ गरेको छ । भोजपुरको दक्षिणी आमचोक गाउँपालिका ३, थिदिंखाका २१ वर्षीय दिपकुमार राईलाई स्थानीय १७ वर्षीया एक किशोरीलाई करणी गरेको आरोपमा प्रहरीले पक्राउ गरेको हो । घरमा कोही नभएको मौका छोपी किशोरीमाथि करणी गर्न खोजिएको आरोपमा परिवारले दिएको उजुरीपछि प्रहरीले राईलाई घरैबाट पक्राउ गरेको जिल्ला प्रहरी कार्यालय भोजपुरले जनाएको छ । राईलाई २८ गते पक्राउ गरी जिल्ला प्रहरी कार्यालयमा ल्याएर हिरासतमा राखी अनुसन्धान भइरहेको जिल्ला प्रहरी कार्यालय भोजपुरका इन्सपेक्टर खेम नेपालीले जानकारी दिए ।