धारिलो हतियार छुरा प्रहार गरेको अभियोगमा स्याङ्जा आँधिखोला गाँउपालिका–३ घर भएका २४ बर्षीय गोबिन्द कार्कीलाई प्रहरीले मंगलबार पक्राउ गरेको छ । निज कार्की सहित चारजनाले कुश्मा नगरपालिका–१३ खौला लाकुरी बस्ने ५० बर्षीय भक्तबहादुर परियार र छिमेकी १८ बर्षीय बिबेक परीयारलाई घरबाट बाहिर बोलाई छुरी प्रहार गर्दा घाईते भएकोमा घाईतेहरुलाई उपचारको लागि ठुलीपोखरी स्वास्थ्य चौकी पठाएकोमा थप उपचारार्थ पश्चिम क्षेत्रीय अस्पताल गण्डकी लगिएको छ । फरार ३ जनाको खोजी गर्नुका साथै यस सम्बन्धमा प्रहरीले थप अनुसन्धान गरिरहेको छ ।