सप्तरीको बेल्हीचपेना–३ नर्घाे पछवारी टोलका रामचन्द्र यादव भाइको कुटाईबाट घाइते हुनुभएको छ । जनता शंकर माविका पूर्वअध्यक्ष रामचन्द्रलाई आफ्नै घरमा काम गरिरहेको बेला भाइ जनार्दन यादवले बाँसको भाटाले टाउकामा हानेर गम्भीर घाइते बनाएका हुन् । घरमा गाई भैसीको स्याहार गरिरहेको बेला मंगलबार भाइ शिक्षक जनार्दनले बाटोको विवादका कारण रामचन्द्रलाई कुटेको रामचन्द्रका छोराले जानकारी दिनुभयो । घाइते रामचन्द्रलाई राजविराजस्थित गजेन्द्र नारायण सिंह सगरमाथा अञ्चल अस्पतालमा भर्ना गरिए पनि उपचार हुननसकेपछि विराटनगर रेफर गरिएको छ । अहिले उहाँको विराटनगरस्थित न्युरो अस्पतालमा उपचार भइरहेको छ । उहाँको टाउमा १२ वटा टाँका लगाइएको परिवारले जनाएको छ ।