जनकपुर उपमहानगरपालिका-८ बाल्मिकीनगरमा एक बृद्धा लाई लागुऔषध सेवनकर्ताले निर्घात कुटपिट गरेका छन् । सोहि वडाका लागुऔसध सेवनकर्ता २१ बर्षिय राजु राउतले पसलमा उधारोमा रेड्बुल माग्दा नदिएपछि कार्तिक ९ गते सांझ ८० बर्षिया बनारसी देवी संगै उनका ५२ बर्षिय छोरा रामएकवाल राउतलाई पनि घरेलु हतियार प्रहार गरि घाइते बनाएका छन् । घटनापछि फरार रहेका राजुको खोजि भइरहेको स्थानीय बाल्मिकी प्रहरी चौकीका इन्चार्ज सुभानारायण चौधरीले बताए । घाइते बृद्धा र उनका छोराको जनकपुर अंचल अस्पतालमा उपचार भइरहेको छ ।