नेकपा (माओवादी)केन्द्र तनहुँका अध्यक्ष राजेन्द्र केशरी न्यौपाने प्रदेश सभाको प्रत्यक्षतर्फको टिकट माग गर्दै अनशन बसेका छन्|न्यौपानेले सोमबारबाट पार्टी कार्यालय परिसरमै अनशन बसेका हुन् |पार्टीले प्रदेश सभाको सो क्षेत्रमा रिसिंग गाउँपालिकाका मदन आलेलाई उम्मेदवार बनाउन लागेपछी न्यौपाने अनशन बसेका हुन् |माओवादी केन्द्रले सो क्षेत्रबाट न्यौपाने सहित निवर्तमान सांसद तथा मन्त्रि आशा कोइराला र माधव विकलाई प्रदेशमा सिफारिस गरेको थियो| तर प्रतिनिधि सभामा क्षेत्र नम्बर-२ मा सिफारिस परेका आलेलाई प्रदेशमा ल्याउन लागिएकोप्रति माओवादी केन्द्रका केहि नेताहरुले आपत्ति जनाएका छन् |पार्टी नेताहरुको ध्यानाकर्षण गराउन न्यौपाने अनशन बसेको माओवादीका एक नेताले बताए | नेकपा एमालेसंग गठबन्धन बनेपछि क्षेत्र नम्बर २ को शुक्लागण्डकी नपा,म्याग्दे गाउँपालिका र व्यास नपाको वडा नम्बर ५ र ६ को भूगोल समेटिएको प्रदेश क्षेत्र नेकपा माओवादीको भागमा परेको छ |सो क्षेत्रमा बामपन्थी गठबन्धनको मत कांग्रेसको भन्दा ४ हजार भन्दा बढी रहेको हुँदा सो क्षेत्र निश्चितरूपमा जितिने भएकोले माओवादी नेताहरुले टिकटको दावी गरेका हुन् |