त्रियुगा नगरपालिका-११ ढिम्किमा बुधबार झडप हुँदा एकजना घाइते भएका छन् । त्रियुगा-१० बोक्सेका २२ वर्षीय यमन राई घाइते भएका हुन्। झडप भएको स्थलबाट तीन जनालाई पक्राउ गरेको जिल्ला प्रहरी कार्यालय उदयपुरले जनाएको छ। प्रहरी अनुसार युवाहरुले मादक पदार्थ सेवन गरेको र सोहि कारण युवाहरुबीच झडप भएको हो। बुधबार मात्रै आधा दर्जन समूह पिकनिक स्थलमा थिए । देउसीभैलो खेलेको पैसाले पिकनिक खाने क्रममा युवाहरुले मादक पदार्थ सेवन गरेपछि विवाद भएर झडप भएको हो। झडपका क्रममा घाइते भएका राईको जिल्ला अस्पताल उदयपुरमा उपचार गरिएको जनाइएको छ ।