Manohar Kumar Pokharel
सप्तरी । ०७० असार १८ गते
रामनगर गाविस-२ की २७ वर्षीया उर्मिलादेवी यादवको हत्या गरी फरार पति ३२ वर्षीय योगेन्द्र यादवलाई प्रहरीले असार १८ गते औरही गाविस-७ वाट गिरफ्तार गरेको छ ।
जेठ २६ गते राती पत्नी उर्मिलाको घाँटी थिचेर हत्या गरेपछि फरार योगेन्द्रलाई र्इलाका प्रहरी कार्यालय पातो र प्रहरी चौकी रामनगरको टोलीले औरही गाविस-७ वाट गिरफ्तार गरेको एसपी संजयसिंह बस्नेतले बताए ।
उर्मिलाको मृत्युलगत्तै भाइबुहारी २७ वर्षीया लक्ष्मीदेवीसहित योगेन्द्र फरार भएपछि उर्मिलाका पिता रामनगर गाविस-८ का ६० वर्षीय केशोरी यादवले हत्या भएको भन्दै जेठ ३१ गते इलाका प्रहरी कार्यालय कल्याणपुरमा उजुरी दर्ता गराएका थिए ।
योगेन्द्रको भाइबुहारीसँगको अवैध सम्वन्धका कारण उनीहरूबीच दैनिक झगडा हुने गरेकाले सोही कारणले उर्मिलाको हत्या भएको हुन सक्ने छिमेकीहरूले समेत आशंका गरेका छन् ।
उर्मिलाको लाश घरनजिकैको खेतमा फ्याँकिएको अवस्थामा जेठ २७ गते बिहान स्थानीयले फेला पारेपछि प्रहरीलाई खबर गरेका थिए । लाशको जेठ २७ गते राजविराज नपा-३ स्थित सगरमाथा अञ्चल अस्पतालमा पोष्टमार्टम भएको थियो ।
मनोहरकुमार पोखरेल