दुई महिलालाई जबरजस्तीको प्रयास गर्ने देब पुर्बेका आमाबाबुलाई प्रहरीले पक्राउ गरेका छन्। यसअघि उनी बिरुद्द मुद्दा दर्ता गराएपछि पिडित किशोरी र आमालाई कुट्ने पुर्बेका बाबुआमालाई प्रहरीले पक्राउ गरेको छ। कुटपिटमा संलग्न रहेको आरोपमा पक्राउ पर्नेमा सिरहाको लाहान नगरपालिकाका पुर्बेका बुवा प्रधुवन पुर्बे, कल्पना पुर्बे, प्रमिला साह रहेका छन्। कुटपिटमा संलग्न दुईजना मुनी पुर्बे, रेखा पुर्बे र सन्तोष साह फरार रहेका छन्। उनीहरुलाई प्रहरीले मंगलबार पक्राउ गरेको बताइएको छ। उनीहरुलाई अदालतबाट म्याद थप गराई प्रहरीले थप गराई प्रहरीले थप अनुसन्धान गरिरहेको ईलाका प्रहरी कार्यालय लहानले जनाएको छ। पुर्बेका आमा, बाबु, दिदि र बहिनीले पिडित किशोरी र उनकी आमालाई सोमबार गाली गलौज गर्दै मरासन्न हुनेगरी कुटपिट गरेका थिए। गत कार्तिक ९ गते राति छठको अवसरमा आयोजित नाच हेर्न जाँदा छिमेकी सन्तोष भण्डारी र देव पुर्बेले किशोरी दिदिबहिनीलाई जबरजस्तीको प्रयास गरेका थिए। पुर्बे इलाका प्रशासन कार्यालय लहानमा कार्यरत कर्मचारी हुन्। घटनापछि पिडितले जबरजस्ती करणी उद्योग अन्तर्गत मुद्दा दर्ता गराएका थिए। जबरजस्ती गर्न खोज्ने देब पुर्बे र सन्तोष भण्डारी अहिले पनि फरार रहेका छन्।