Agitated students of Purwanchal University in Morang vandalized office of GP Koirala College of Agriculture under Purwanchal University in the morning of Dec 14 smashing window pane and setting ablaze Campus Chief Ajaya Kumar Shah's chair. Students were agitated after question paper leakage of Agrometeorology and Clayer Chase and demanded re-examination of the same. According to the students, the agiation would continue unless their demands were addressed. परीक्षा रद्ध गर्न माग गर्दै आन्दोलनमा उत्रिएका आक्रोशित विद्यार्थीले मोरङ गोठगाँउमा रहेका पूर्वाञ्चल विश्वविद्यालयको कार्यालयमा तोडफोड गरेका छन् । आन्दोलित विद्यार्थीको समूहले विहीवार विहान पूर्वाञ्चल विश्वबिद्यालय अन्तर्गत जीपी कोइराला कलेज अफ कृषि संकायको कार्यालयमा तोडफोड गरेका हुन् । आन्दोलित विद्यार्थीहरुले कार्यालयको झयालको शिशा तोडफोड गर्नका साथै क्याम्पस प्रमुख अजयकुमार शाहको कुर्सीसमेत जलाई दिएका छन । पूर्वाञ्चल विश्वविद्यालयले हिजो बुधबार लिएको एग्रो मेट्रोलोजी एण्ड क्लाइर चेज विषयको परीक्षाको प्रश्न पत्र आउट भएको भन्दै पुनः परीक्षाको माग गर्दै विद्यार्थीहरु आन्दोलनमा उत्रिएका थिए । ४७ विद्यार्थी अध्ययनरत रहेको यस संकाय अन्तर्गत बुधबारको परीक्षा रद्ध गरी पुनः परीक्षा नगराएसम्म आफनो आन्दोलन नरोकिने बिद्यार्थीको अडान छ । जीएसटीका सभापति अनुप चपाईले हिजो भएको परीक्षा पुनः भएसम्म आफूहरुको आन्दोलन नरोकिने वताए । उनले परीक्षा पुनः गराउने विषयमा पूर्वाञ्चल विश्वविद्यालयका उपकुलपति, डिन लगायतसँग वार्ता नभएसम्म आन्दोलन नरोकिने जानकारी दिए । यता क्याम्पस प्रमुख अनयकुमार शाहले विधार्थीको आन्दोलनका वारेमा आफूले बुधबारै उपकुलपति र डिनलाई जानकारी गराइसकेको वताए । उनले परीक्षामा प्रश्नपत्र आउट भएको भन्ने विषयमा सत्याताको विषयमा आन्तरीक रुपमा विश्वबिद्यालयले अनुसन्धानसमेत थालेको क्याम्पस प्रमुख शाहको भनाई छ ।