सप्तरीको हनुमाननगर-कंकालिनी नगरपालिका-४ कोइलाडीका बाढी पीडित वडा कार्यालयमा तालाबन्दी गरेका छन्। आफुहरुलाई आएको राहत वितरणमा वडा अध्यक्षले धाँधली गरेको भन्दै वडा अध्यक्ष नागेश्वर मण्डल विरुद्ध स्थानीयहरुले कार्यालयमा तालाबन्दी गरेका हुन। पछिल्लो साउनको अन्तिम हफ्ता आएको भिषण वर्षा र बाढीपछि वडा कार्यालयको सिफारिस अनुसार नगरपालिका कार्यालयले प्रमाणित गरेपछि रेड्क्रोसले राहत वितरण गर्दा प्रभावितहरु छुटेकाले तालाबन्दी गरिएको स्थानीय पीडितहरुको भनाई छ।