युवतीलाई यौन दुर्व्यवहार गरेको आरोपमा खोटाङमा दुई जना पक्राउ परेका छन् । यौन दुर्व्यवहार आरोपमा जन्तेढुंगा गाउँपालिका–२, बोपुङका नेपालतारा राई र ऐसेलुखर्क गाउँपालिका–५, महेश्वरीका खेमराज वन पक्राउ परेका हुन् । युवतीको मौखिक उजुरीका आधारमा शुक्रबार पक्राउ परेका दुवै राई माथि युवती माथि जवरजस्तीकरणी गरेको अभियोग छ । सुरुमा राई र वनलाई बलात्कारको आरोप लगाएकी युवतीले पछिल्लो समय भने बयान फेरेको जिल्ला प्रहरी कार्यालय खोटाङका डिएसपी लोकदर्शन थापाले बताउनुभयो । पुस १७ गते राति कोठामा सुतिरहेकी २९ वर्षीय युवतीलाई बलात्कार प्रयास गरेको आरोपमा वनलाई शनिबार प्रहरीले पक्राउ गरेको हो । पीडित युवतीले पुस १८ गते इलाका प्रहरी कार्यालय ऐसेलुखर्कमा उजुरी दिएको प्रहरीले जनाएको छ ।