नेपाल पत्रकार महासंघका साधारण सदस्य तथा पश्चिम नेपाल दैनिकका पत्रकार चक्रराज पन्तलाई कन्चनपुर् प्रहरीको टोलीले कुटपिट गरेको छ । जिल्ला प्रहरी कार्यालय कन्चनपुरका निमित्त इन्चार्ज प्रहरी निरीक्षक उमाकान्त जोशीको निर्देशनमा प्रहरी नायब निरीक्षक डीएस थापा नेतृत्वको टोलीले पत्रकार पन्तलाई कुतिपित गरेको हो । प्रहरीको कुटाईबाट पत्रकार चक्रराज पन्तको टाउको , ढाड , छाती र खुट्टामा चोट लागेको छ । जिल्ला प्रहरी कार्यालय मदनचोकमा खटिएको टोलीले हेल्मेट नलगाएको भन्दै जिल्ला प्रहरी कार्यालय कंचनपुर पुर्याएको थियो । तर जिल्ला प्रहरी कार्यालयबाट फर्किएका पन्तलाई मदनचोक पुग्ने बित्तिकै सई थापाको टोलीले पन्तलाई कुटपिट गरेको हो । यसैबीच, पत्रकार चक्रराज पन्तामाथी कुटपिट गर्ने प्रहरीलाई मिडिया सम्बद्ध बिभिन्न संघसंस्थाले कारवाहीको माग गरेका छन् ।