श्रीमतीले चिर्पट दाउराले हिर्काउँदा श्रीमानको ज्यान गएको छ । शारदा नगरपालिका –१२, सानो डांग्रीका ३४ वर्षीया विष्णु वलीले चिर्पट दाउराले हिर्काउँदा ३७ वर्षिय श्रीमान दिपेन्द्र वलीको ज्यान गएको हो । बुधबार बेलुका घरायसी झैँझगडा हँुदा विष्णुले हानेको चिर्पटले श्रीमान दिपेन्द्रकोे टाउकोमा गम्भीर चोट लागेको थियो । टाउकोमा चोट लागेर घाइते भएका वलीलाई उपचारका लागि कोहलपुर पुर्याइएको थियो । त्यहाँ उपचार सम्भव नभएपछि काठमाडौं लैजाँदै गर्दा बाटोमा ज्यान गएको प्रहरीले जनाएको छ । हत्या गर्ने श्रीमतीलाई प्रहरीले पक्राउ गरेको छ । उनी अहिले अचेत अवस्थामा रहेकाले जिल्ला अस्पतालमा भर्ना गरेको र घटनाबारे थप अनुसन्धान भैरहेको प्रहरीले जनाएको छ ।