महोत्तरीको बिजुलपुराको एक सामुदायिक बिध्यालयमा सरस्वती पुजाको क्रममा नृत्य (डान्स) गर्न नदिएको झोंकमा एकजनालाई युवाको समुहले निर्घात कुटपिट गरेका छन् । महोत्तरीको बर्दिबास नगरपालिका वडा नंबर १२ स्थित श्री जनता उच्च माध्यमिक बिध्यालयमा बिध्यालय बाहिरका युवाहरुले डान्स गर्न नदिएको झोंकमा कुटपिट गर्दा एक बिध्यार्थी घाइते भएका हुन् । स्कुलमा पुजा सकिएपछि भएको नृत्यको समयमा बाहिरबाट आएका ४ जना युवाको समुहले कुटपिट गर्दा बिजुलपुराका २३ बर्षिया राजेश सिंह घाइते भएका हुन् । पीडितहरुले सोही गाउँका बिसाल लामा र कुनाल लामाको समुहले कुटपिट गरेको बताए । कुटपिट गर्ने चारै जना फरार रहेको प्रहरीले जनाएको छ ।