कर्मचारीबीच कार्यालय प्रमुख बन्न हानथाप भएपछि जिल्ला खेलकुद विकास समिति सप्तरीमा तालाबन्दी भएको छ । सप्तरी जिल्ला खेलकुद कर्मचारी संघले कार्यालयमा तालाबन्दी गरेको हो । पुर्वान्चल क्षेत्रीय खेलकुद विकास समिति बिराटनगरमा कार्यरत लक्ष्मण मण्डल कार्यालय प्रमुखको जिम्मेवारी सहित सरुवा भएर आएपछि कर्मचारीबीच खिचातानी सुरु भएको थियो। यसअघि सप्तरीमै कार्यालय प्रमुख रहेका मण्डल केहि समय बिराटनगर सरुवा भएर गएका थिए । तर मण्डल पुन: सरुवा भएर आएपछि कार्यालय प्रमुखको जिम्मेवारीमा रहेका प्रशासकीय अधिकृत महेन्द्र यादवले नियम बिपरित गरिएको सरुवा मान्य नहुने बताउँदै आएका छन् । कार्यालय प्रमुखका रुपमा लक्ष्मण मण्डल हाजिर गर्न पुगेपछि सचिब प्रकाश मल्लको नेतृत्वमा रहेका कर्मचारी संघका सदस्यले कार्यालयमा तालाबन्दी गरेका हुन् ।