कुटपिटबाट गम्भीर घाइते भएका धरान उपमहानगरपालिका–५ फोक्लिङ टापु बस्ने ५४ वर्षीय कुमार राईको धरान घोपा अस्पतालमा उपचारको क्रममा बुधबार मृत्यु भएको छ । कुमारले सोही ठाउँ बस्ने शंकर बिककी ३६ वर्षीया श्रीमती मिरा बिकलाई ढुङ्गाले हानी घाइते बनाएको बिषयलाई लिएर शंकर र सोही ठाउँ बस्ने २२ वर्षीय शम्भु भुजेलले कुमारलाई कुटपिट गरेका थिए । कुटपिट गर्ने शंकर र शम्भुलाई प्रहरीले पक्राउ गरेको छ । यस सम्बन्धमा प्रहरीले थप अनुसन्धान गरिरहेको छ ।