धादिङ मलेखु सडकखण्ड अन्तरगत सिद्धालेक गाउँपालिकाको कालिदह नजिक सडकमै राखिएको बम नेपाली सेनाको टोलीले डिस्पोज गरेको छ । अपरान्ह ४ बजेतिर सडकमा बम जस्तै शंस्कास्पद वस्तु देखेपछि स्थानीयले प्रहरीलाइ खवर गरेका थिए । प्रहरी शंस्कापद वस्तु फेला परेको ठाउँमा पुगेपछि बम पहिचान भएको थियो । बम फेला परेको जानकारी पाउने बित्तिकै नेपाली सेनाको देवीदत्तगणबाट बम डिस्पोज टोली घटनास्थल पुगेको थियो । डिस्पोज गरिएको बममा गनपाउडर भेटिएको थियो । फलामको पाइप र घरेलु सामाग्री प्रयोग गरेर सर्वसाधारणलाई आतंकित बनाउन राखिएको बम शक्तिशाली भने नभएको सेनाको दाबी छ । नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीले मंगलबार नेपाल बन्द आह्वान गरेका कारण बम उनकै कार्यकर्ताले राखेको प्रहरीको अनुमान छ ।