Lav Dev Bhatta
डोटी । ०७० साउन १९ गते
आफ्नी छोरी बेचेको आरेापमा जिजोडामाण्डौ गाविस २ छोयाका धनबहादुर भुलले ज्वाईँ इन्द्रबहादुर भुलका विरुद्ध ०७० साउन १८ गते जिल्ला प्रहरी कार्यालय डोटीमा उजुरी दिए ।
डडेल्धुरा गाङखेत गाविस ९ पिपलगाउँका इन्द्रबहादुर भुलले डोटी जिल्ला जिजोडामाण्डौ गाविस २ छोयाकी सीतासँग तीन वर्षअगाडि विवाह गरेका थिए । विवाहपश्चात् इन्द्रबहादुरले आफ्नी पत्नीलाई अनाहकमा कुटपिट गरी ०७० असारमा घरनिकाला गरेपछि माइती बस्दै आएकी सीताका बुवा धनबहादुर भुलले बताए ।
०७० साउन १ गते माइतीमा आएर इन्द्रबहादुरले आफ्नी पत्नीलाई बोलाई लगेर उनको चार महिनाको गर्भ समेत पतन गराई भारतमा लगेर बेचेकेा धनबहादुरले दाबी गरे ।
इलाका प्रहरी कार्यालय दिपायलको प्रहरी टोलीले अभियुक्त इन्द्रबहादुरलाई गिरफ्तार गरी जिल्ला प्रहरी कार्यालय डोटीको हिरासतमा राखेको डीएसपी राजेन्द्रबाबु रेग्मीले बताए ।
लबदेब भट्ट