१० वर्षीया बालिकालाई यौन दुर्व्यवहार गरेको आरोपमा २० वर्षीय दाजुलाई प्रहरीले फागुन १४ गते गिरफ्तार गरेको छ । पीडित बालिकालाई आरोपितले फागुन १३ गते यौन दुर्व्यवहार गरेको आरोपमा पीडित पक्षले जिल्ला प्रहरी कार्यालयमा फागुन १४ गते उजुरी दिएको थियो । पीडित बालिकाको स्वास्थ्य परीक्षण राप्ती उपक्षेत्रीय अस्पतालमा फागुन १४ गते भएको प्रहरीले जनाएको छ । घटनाका विषयमा अनुसन्धान भइरहेको दाङकी प्रहरी प्रमुख एसपी दुर्गा सिंहले जानकारी दिइन ।