रुकुम पश्चिममा एकजनाले आफ्नै सम्धीलाई दाउरा प्रहार गरेर हत्या गरेका छन् । त्रिबेणी गाउँपालिका -५ झुल्काडाँगीका ४३ बर्षीय खल्बिर डाँगीले आफ्नै सम्धी सोही ठाउँका ५५ बर्षका टिकाराम ओलीको हत्या गरेको जिल्ला प्रहरी कार्यालयले जानकारी दिएको छ । यहि फाल्गुन ९ गते साँझ दुई जनाबीच सामान्य बिबादमा डाँगीले ओलीको टाउकामा दाउरा प्रहार गरेको प्रहरीले जनाएको छ । दाउरा प्रहारबाट गम्भीर घाइते भएका ओलीको उपचारका लागि नेपालगन्ज मेडिकल कलेज, कोहलपुरमा उपचार गर्ने क्रममा मृत्यु भएको थियो । दाउरा प्रहार गरेर आफ्नै संधिको हत्या गर्ने खलबिर डाँगीलाई नियन्त्रणमा लिएर अनुसन्धान भईरहेको प्रहरीले जनाएको छ ।