माघ २० गते काठमाडौंको बुद्धनगरमा भएको बलात्कार प्रकरणका मतियार कमल बहादुर शाहीलाई महानगरीय प्रहरी वृत बानेश्वरले पक्राउ गरेको छ । आईतबार पक्राउ परेका शाहीले माघ २० गते राती बुद्धानगरेको एक घरमा २२ बर्षिय युवतीमाथी भएको बलात्कारको घटनामा सहयोगीको भुमिका निर्वाह गरेका थिए । बलात्कारमा संलग्न मुख्य अभियुक्त जुम्ला स्थायी घर भएका मनोज खत्री फरार रहेको र उनको खाजी कार्य भईरहेको महानगरीय प्रहरी वृत बानेश्वरका डिएसपी रवी पौडेलले जानकारी दिए । बुद्धनगर स्थित एक घरको दुईओटा कोठामा चार युवतीहरु (नर्सिङ कक्षाको ओजीटी गर्न आएका) बसेका थिए । अम्बिका चापागाई समेत बस्ने कोठामा मध्यराती कमल बहादुर शाहि सँगै पुगेका मनोज खत्रिले तीमध्ये एक युवतीलाई बलात्कार गरेको प्रहरीले जनाएको छ । अम्बिका चापागाईको सम्पर्कबाट सुजन र कमल त्यहाँ पुगेको भन्दै प्रहरीले यसअघी नै अम्बिकालाई नियन्त्रणमा लिएर मुद्धा चलाएको थियो । बलात्कारीको मतियार रहेकी अम्बिका ३० हजार धरौटीमा जिल्ला अदालत काठमाडौंबाट रिहा भैसकेकी छिन् ।