खोटाङको दिक्तेल रुपाकोट मझुवागढी नगरपालिका–८, दोर्पाचिउरीडाँडाका वडाध्यक्ष लिला चौहानमाथि आक्रमण भएको छ । बिहीबार वडा कार्यालय जाने सडक मर्मत गरेर घर फर्कने क्रममा बानाचुङ बजारमा वडाध्यक्षमाथि बाटो छेकेर आक्रमण भएको प्रहरीले जनाएको छ । वडाध्यक्षमाथि जोशीचन्द्र राई, विसम राई, बद्री खड्का लगायतको समुहले बाटो छेकेर वडाध्यक्ष चौहानमाथि आक्रमण गरेको जानकारी आएको जिल्ला प्रहरी कार्यालय खोटाङका प्रहरी नायव उपरीक्षक लोकदर्शन थापाले बताउनुभयो । घटनाको जानकारी आए लगत्तै चौहानमाथि आक्रमण गर्ने समूहको खोजीका लागि प्रहरी परिचालन गरिएको छ । घटनास्थलमा वडाध्यक्ष चौहानको मोटरसाइकल र हेल्मेट क्षतिग्रस्त अवस्थामा भेटिएको प्रहरीले जनाएको छ ।