टेम्केमैयु गाउँपालिका–५ बस्ने ४० वर्षीय धनहर्क राईको छिमेकीको कुटपिटबाट मृत्यु भएको छ । सोही ठाउँ बस्ने ७० वर्षीया भिमकुमारी राई, ३८ वर्षीय धर्मराज राई, ३१ वर्षीय दिपेन्द्र राई, ३१ वर्षीय भिमसेन राई समेतले चैत ३ गते कुटपिट गर्दा घाइते भएका धनहर्कको ग्रिनक्रस अस्पताल बिराटनगरमा उपचारको क्रममा शुक्रबार मृत्यु भएको हो । कुटपिटमा संलग्न निज धर्मराज र दिपेन्द्रलाई पक्राउ गरी अन्य २ जनालाई नियन्त्रणमा लिन प्रहरी टोली खटी गएको छ । यस सम्बन्धमा प्रहरीले आवश्यक अनुसन्धान गरिरहेको छ ।