Top Lal Aryal १५ वर्षीया बालिकालाई बलात्कार गरेको आरोपमा गुल्मीको मालिका गाउँपालिका-५ छापहिलेका २६ वर्षीय शेषबहादुर कार्कीविरूद्ध पीडित पक्षले जिल्ला प्रहरी कार्यालयमा चैत १२ गते उजुरी दिएको छ । पीडित बालिकालाई आरोपितले चैत ८ गते बलात्कार गरेको र पछि डर त्रास समेत देखाएको आरोपमा पीडित पक्षले उजुरी दिएको जिल्ला प्रहरी कार्यालय गुल्मीका असई सत्यनारायण यादवले बताए । पीडित पक्षको मौखिक उजुरीका आधारमा आरोपितलाई चैत १० गते गिरफ्तार गरी अनुसन्धान थालिएको प्रहरी जनाएको छ । पीडित बालिकाको स्वास्थ्य परीक्षण चैत ८ गते जिल्ला अस्पताल तम्घासमा गरिएको छ ।