काठमाडौं नैकापमा श्रीमतीलाई छुरा प्रहार गरी हत्या पछि फरार रहेका प्रकाश तामाङलाई महानगरीय प्रहरीको अपराध महाशाखा टोलीले पक्राउ गरेको छ । तामाङलाई शनिबार बिहान ३ बजे धदिङ गोगन गल्छी गाँउपलिका–८ बाट पक्राउ गरेको अपराध महाशाखाका एसएसपी दिवेश लोहनीले बताए। २१ वर्षीय तामाङले श्रीमान्सँग झगडा परेर ३ महिनादेखि आफ्नी दिदीको घरमा बस्दै आएकी २३ वर्षीया श्रीमती रमिता तामाङको शनिबार दिउँसाे छुरा प्रहार गरी हत्या गरेका थिए।