संघीय समाजवादी फोरम नेपालका नेता, कार्यकर्ताले एमाले, नेका र माओबादी कार्यकर्तामाथि आक्रमण गरेका छन् । बारा, परसौनी गापामा ज्ञापन बुझाउन गएका एमाले, माओबादी र नेका कार्यकर्तामाथि फोरमले हमला गरेको हो। गापा अध्यक्ष भेला कलवारलाई गाउँको समस्याबारे ज्ञापन बुझाउन मध्याह्न पुगेका एमाले, नेका र माओबादीका नेता कार्यकर्तामाथि गापामा लाठीफाटासहित तैनाथ फोरमका कार्यकर्ताहरुले एक्कासी आक्रमण गरेका थिए। ५० भन्दा बढीको संग्ख्यामा तैनाथ फोरमका कार्यकर्ताले गरेको लाठीफाटा प्रहरबाट नेका हरि पटेलको टाउको फुटेको छ। यसैगरि रामसुनर मण्डल र लक्ष्मी कुशवाहा पनि घाइते भएका छन्।