ठाकुरबाबा नगरपालिका १ सिंहवाहिनीकी ३६ बर्षीय महिलाले जबर्जस्ती करणी आरोपमा पतिबिरुद्द मुद्दा दायर गरेकी थिईन। स्थानीय तारादेवी बोहोराले दिनहुँ यातना दिंदै बलात्कार गरेको भन्दै प्रहरीमा श्रीमान कालीबहादुर विरुद्द मुद्दा दर्ता गराएकी थिईन। पतिले मदिरा सेवन गरी दिनहुँ कुटपिट र शारीरिक यातनासंगै जबर्जस्ती करणी गरेको आरोप पाँच सन्तानकी आमाले आइतबार जिल्ला प्रहरी गुलरिया उजुरी दर्ता गराएकी छंन। लामो समयदेखि दम्पत्तीबीच बेमेल बढेपछि गत कात्तिकमा जिल्ला अदालतमा सम्बन्धबिच्छेदको मुद्दा दर्ता भएको थियोरू सम्बन्धबिच्छेद मुद्दा टूंगो नलाग्दै श्रीमानले मेरो इच्छा बिपरित जबर्कस्ती गरे,' उनले भनिन, 'कति पीडा सहनु भनेर बाध्य भएर मुद्दा हाल्नु पर्यो।' पतिले घरखर्च नदिएका कारण फलफूलको पसल राखेर गुजारा चलाउँदै आएको उनले बताइन। बोहोराको स्वास्थ्य परिक्षण जिल्ला अस्पतालमा गरिएको थियो। शरीरको केहि संवेदनशील अंगमा चोटपटक समेत लागेको प्रहरीले जनाएको छ।