बुद्धभूमि नपा-९ तीन घेरवाकी ४४ वर्षीया महिलालाई कथित बोक्सीको आरोप लगाएर गाली गलौज गरेको भन्दै सोही ठाउँकी ४५ वर्षीया लोहरी थारुलाई प्रहरीले चैत ३० गते गिरफ्तार गरेको छ । पीडितले इलाका प्रहरी कार्यालय गोरुसिहेंमा चैत २९ गते उजुरी दिएकी थिइन् । लोहरी थारुका छोरा छोरीहरूलाई झाडा पखाला लागि बिरामी भएकोमा ‘तैँले बोक्सी’ लगाइ दिएर बिरामी पारेको भन्दै गालिगलौज गरेको पीडित महिलाले बताएकी छन् । कपिलवस्तु नपा-६ सगरहवामा बस्ने एक मातालाई हेराउँदा ‘फलानो बोक्सी’ लागेको भन्दै गालीगलौज गरेको पीडितले बताएकी छन् ।