धरान उपमहानगरपालिका–१५ स्थित बिशाल चोकमा सोही ठाउँस्थित साङपाङ चोक डेरा गरी बस्ने बाग्लुङका २१ वर्षीय सुजन खड्का र काभ्रे धुलीखेल–१२ का २१ वर्षीय प्रदिप सापकोटालाई बाटोमा हिँडिरहेको अवस्थामा छुरा प्रहार गरी घाइते बनाएको अभियोगमा ३ जनालाई मंगलबार प्रहरीले पक्राउ गरेको छ । पक्राउ पर्नेहरुमा तेह्रथुम आठराई गाउँपालिका–१ बस्ने ३४ वर्षीय कुमार लिम्बु, सोही गाउँपालिका–४ बस्ने १५ वर्षीय बिज्ञान लिम्बु र धरान–१५ बस्ने १८ वर्षीय कुम्भे भन्ने दिपल राई रहेका छन् । कुमार र बिज्ञानलाई तत्काल र घटनापछि फरार रहेका दिपललाई खोजी गर्ने क्रममा सोही ठाउँस्थित बाझोगरा सामुदायिक बनको कार्यालय पछाडि लुकिरहेको अवस्थामा फेला पारी नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।