रुकुम पूर्वको सिस्ने गाउँपालिकाका एक जनप्रतिनिधिलाई प्रहरीले नियन्त्रणमा लिएको छ । उक्त गाउँपालिका-३ पोखराकी एक महिलालाई जबरजस्ती गर्भपतन गराएको आरोपमा गाउँ कार्यपालिका सदस्य रुद्रबहादुर सुनारलाई प्रहारीले नियन्त्रणमा लिएको हो । सुनारले विवाह गर्ने आश्वासन दिंदै बेलाबेला अवैध यौन सम्पर्क गरेर आफुलाई गर्भवती बनाएको भन्दै ती महिलाले प्रहरीसमक्ष उजुरी दिएकी छन् । प्रहरीका अनुसार सुनार विवाहित हुन् । सहमतिमा यौन सम्पर्क भए पनि गर्भपतनपछि अत्यधिक रक्तश्राव भएपछी महिलाले प्रहरीसमक्ष उजुरी दिएको बताइएको छ ।