काँग्रेसको भातृसंस्था नेविसंघले भारतीय प्रधानमन्त्री नरेन्द्र मोदीको नेपाल भ्रमणका बेला भएका गतिविधिको विरोधमा चक्काजाम गरेको छ । विहान ९ देखि १० बजेसम्म नेविसंघले त्रिचन्द क्याम्प अगाडि चक्काजाम गरेको हो । भ्रमणका बेला प्रधानमन्त्री केपी ओलीले कुटनीतिक मर्यादा मिचेको र भारतीय सेना नेपाल आएको लगायतका विषयमा चक्का जाम गरिएको केन्द्रिय सदस्य सुशील भट्टले बताए । नेविसंघको चक्काजामका कारण त्यसक्षेत्रको यातायात सेवा प्रभावित भएको छ ।