Pratap Bishta
किशोरीलाई लठ्याउने औषधी खुवाएर बलात्कार गरेको आरोपमा प्रहरीले एक युवकलाई पक्राउ गरेको छ ।
हेटौडा नगरपालिका-५ की १८ वर्षीया किशोरीलाई लठ्याउने औषधी खुवाएर बलात्कार गरेको आरोपमा प्रहरीले हेटौडा नगरपालिका-५ का १९ वर्षीय रितेश ढकाललाई ०७० भदौ २६ गते पक्राउ गरेको हो । अभियुक्त ढकालले ०७० भदौ २४ गते बेलुका किशोरी लठ्याउने औषधी मिसाएको चकलेट खान दिएर बेहोस बनाएर धानबारीमा बलात्कार गरेको पीडितले बताइन् ।
होसमा आएपछि उनले घरमा गएर अभिभावकलाई आफु बलात्कृत भएको घटना जानकारी गराएपछि प्रहरीमा उजुरी दिएकी थिइन् ।
प्रताप विष्ट