१५ वर्षीया बालिकालाई बलात्कार गरेको आरोपमा प्रहरीले ओमसतिया गाउँपालिका-५ मौजा गौरीका २० वर्षीय रोशन शाहनी निशादलाई आरोपितको घरबाटै जेठ ९ गते गिरफ्तार गरेको छ । पीडित बालिकालाई आरोपितले जेठ ८ गते बलात्कार गरेको भनी पीडित पक्षले जेठ ९ गते जिल्ला प्रहरी कार्यालय रूपन्देहीमा उजुरी दिएको थियो । पीडित बालिकाले दिएको उजुरीका आधारमा आरोपितविरूद्ध कारबाही अगाडि बढाइएको जिल्ला प्रहरी कार्यालयका डिएसपी डिल्लीनारायण पाण्डेले बताए । पीडित बालिकाको स्वास्थ्य परीक्षण जेठ ९ गते नै भिम अस्पताल भैरहवामा गरिएको डिएसपी पाण्डेले बताए । त्यसैगरी १४ वर्षीया बालिकालाई बलात्कार गरेको आरोपमा प्रहरीले रोहिणी गाउँपालिका-७ का १९ वर्षीय किशन हरिजनलाई जेठ ९ गते गिरफ्तार गरेको छ । पीडित बालिकालाई आरोपितले जेठ ८ गते बलात्कार गरेको भनी पीडित पक्षले जेठ ९ गते जिल्ला प्रहरी कार्यालय रूपन्देहीमा उजुरी दिएको थियो । पीडित पक्षले दिएको उजुरीका आधारमा आरोपितविरूद्ध कारबाही अगाडि बढाइएको जिल्ला प्रहरी कार्यालयका डिएसपी डिल्लीनारायण पाण्डेले बताए । पीडित बालिकाको स्वास्थ्य परीक्षण जेठ ९ गते नै भिम अस्पताल भैरहवामा गरिएको डिएसपी पाण्डेले बताए ।